Naangay ti maysa a taripnong ditoy Munisipio ti Aringay idi Agosto 27, 2021. Ti Bulan ti Agosto ket ramrambakan tayo ti Bulan iti Lengguahe, a naituding babaen iti Presidential Proclamation No. 1041-1997. Babaen met iti Provincial Ordinance- 026-2012 naipanaganetget ken naipalagip manen ti panangtalunton ti nalinteg a dana a kas desdesen iti nagkaykaysa a timek ti kultura, historia ken kinaasino. Adda met immay timmandudo iti taripnong nga tallopulo ket lima โ€“ mamaestra, dagiti mangiturturong iti benneg ti munisipio, mangiturturong iti komersio ken mangiturturong kadagiti agtutubo. Nagrugi ti programa ket naimatangan ken nadengngeg dagiti timmabuno iti bersion Iloco iti maysa nga kararag nga samiweng, Nailian a kanta ken ti Aringay Hymn. Ti La Union Hymn ket nadengngegtayo met a nakanta iti orihinal nga liriko na ngem naiwaragawag nga addanto iti Ilokano a bersion nanto metten.

Ti Municipal Cultural, Arts and Language Council iti Aringay ket parmata na a rumbeng laeng a taribayen iti lengguahe tapno maragpat ti sangsangkamaysa a gagem a panangidur-as iti pakasaritaan ti lengguahe Ilokano. Ket wen, rumbeng laeng nga taraknen ti panagdur-as ti pagsasao tayo ng Ilokano. Dagiti umiso ken maitutop nga ar-aramiden iti MUCAL Council (Municipal Cultural, Arts and Language Council) ket apagisu ken naitiempo kadagiti pasamak ken panangsurot iti baddek ti napaspas a panagbaliw.

Indauluan ngarud iti LUCAL Council (La Union Cultural, Arts and Language Council) ti ramrambak para iti bulan iti Agosto ket inaramat da ti tema nga “๐‘จ๐‘ฎ๐‘จ๐‘บ๐‘ฌ๐‘ด (๐‘จ๐’ˆ๐’‚๐’” ๐’Œ๐’†๐’ ๐‘ฐ๐’”๐’†๐’Ž): ๐‘ฐ๐’๐’๐’Œ๐’ ๐’‘๐’‚๐’“๐’‚ ๐’Š๐’•๐’Š ๐‘ต๐’‚๐’‚๐’-๐’‚๐’๐’…๐’–๐’“ ๐’Œ๐’†๐’ ๐‘ต๐’‚๐’•๐’Š๐’ƒ๐’•๐’Š๐’ƒ๐’Œ๐’†๐’“ ๐’‚ ๐‘ณ๐’‚ ๐‘ผ๐’๐’Š๐’๐’,” kagiddantayo ti intero a pagilian iti pananglagip ti Buwan ng Wikang Pambansa ken National History Month. Kas met panagrambak iti ilitayo nga Aringay ti panagturpos iti rambac daytoy nga bulan, naangay iti maysa nga taripnong tapno mapapigsa iti pannakaammo dagiti umili iti Iloco Code nga idi payla tawen ti 2012 nga naipadasdas. Naiparangmet ditoy a programa iti nangabak nga samiweng para kadagiti bannuartayo โ€“ โ€œSilalagiptayo Komaโ€, naisurat ni daytoy numo toy biang kenni Mr. Jerome Medriano iti liriko na ken iti musika na ket tinaming ni Mark Greg D. Nisperos.

Tallo dagiti tema nga awan sabali a panggepna no di panagkaykaysa ti panunot ken nalinteg a dana. Immuna a nagsarita ket ni Dr. Rolando Q. Mallari, numero uno a mangtaktakem ti panagtignay ti suporta para ti lengguahe nga Ilokano. Indatag na no apay nga adda kastoy a programa ti ili tayo. Iti umuna a tema ket ni Apo Adamor L. Dagang, Information Officer ti Probinsia ti La Union ti nagsarita. Napan na bininsa-binsa no apay nga adda iti Iloco Code ken impakita na no kasatno dagiti napipintas nga aramid maipanggep iti pannakaimplementarna. Simmaruno met ni Dra. Elizabeth Caliwanagan, dati a Dean ti Department of College of Arts and Communication iti U.P. Baguio, maysa a consultant iti lengguahe. Nagited isuna ti sursuro maipanggep ti โ€œTarabay iti Ortograpia ti Pagsasao nga Ilokano Pakaunaโ€ a kas naipakita iti maikadua a tema. Ti maikatlo a tema ket sinarita ni Mr. Jerome Medriano, โ€œAringay :Ayantayo Tattan Maipanggep iti Implementasion ti Iloco Code?โ€

Nangted met ni Dra. Aidena Nuesca, Aringay District School Superintendent iti kapanunutan na maipanggep ti naangay nga programa. Napintas iti panagpapatang dagiti nakitaripnong. Ket napintas kano a rugi para kadagiti naregget nga tarigagay wenno gandat iti MUCAL. Nagsao met ni Apo Bise-Mayor Benjamin O. Sibuma ket naibagana iti kapanunutannna maipanggep iti program ti lengguahe. Impadayesdes met ni Apo Sekretario Julie San Andres iti kablaaw ken balikas ni Apo Mayor Eric O. Sibuma para ti taripnong. Impadanonna kadagiti nakilaok iti programa iti suportana ti lengguahe Ilokano.

Iti pannakapakaammo ken pannakaidatag na dagiti programa iti panangpatibker iti Lengguahe Ilokano, limtuad iti panangdayar ti nakipartisipar iti taripnong. Timpuar dagiti adu nga napipintas nga singasing ket adu ti kayat na makitandudo iti napintas a gandat ti MUCAL Council iti ilitayo nga Aringay.